Навоий шаҳридаги "Ширин" маданият саройи репертуари
Жорий йилда  "Навоийазот” акциядорлик жамиятига қарашли "Ширин” маданият саройи ташкил этилганига 25 йил тўлади.Шу муносабат билан маданият саройидаги мавжуд жамоалар ўз ҳисобот концертлари ва кўргазмаларини тайёрламоқдалар.
Жумладан, Ором Ғоибова ва Нигора Тоғаевалар раҳбарлигидаги  "Истиқлол” халқ рақс ансамбли ва "Дўстлик” болалар намунали жамоалари май ойининг  16 куни соат 18-00да, Жадира Турганбаева раҳбарлигидаги  "Гармония” намунали рақс  жамоаси 22 май куни соат 18-00да, Юсуф Иззатуллаев ва Йигитали Турдиевлар раҳбарлигидаги "Сардор” эстрада гуруҳи ҳамда "Йигитлар” карнай-сурнайчилар гуруҳи 23 май куни соат 18-00 да, Шомурод Бекназаров раҳбарлигидаги "Ёш томошабинар” театри 1 июн куни 
соат 18-00да ўз ҳисобот концертларини намойиш этсалар, 1 июнь куни  Мартин Антонян раҳбарлигидаги амалий санъат студияси "Болалар куни”га бағишланган кўргазмаларини намойиш этадилар.
"Ширин” маданият саройи ташкил этилганига бу йил 25 йил тўлиши муносабати билан бўлиб ўтадиган гала-концерт эса  5 июнь куни Навоий шаҳридаги "Амфитеатр” биносида ўтказилиши режалаштирилмоқда. Унда республикамизнинг таниқли санъаткорлари ҳам иштирок этиши кўзда тутилган.

Добавить комментарий

Оставить комментарий