100 нафар мансабдор шахс интизомий жазога тортилди

2015 йилнинг биринчи чорагида Навоий вилоят адлия бошқармаси томонидан ҳуқуқий экспертизадан ўтказиш учун маҳаллий давлат ҳокимиятлар тақдим этган норматив тусдаги 45 та қарор лойиҳалари белгиланган тартибда кўриб чиқилиб, тегишли хулосалар берилган.
Амалдаги норматив-ҳуқуқий хужжатларни такомиллаштириш мақсадида уларга тегишли ўзгартириш ва қўшимчалар киритиш бўйича Адлия вазирлигига 141 та таклифлар юборилган бўлса, фуқаролардан келиб тушган 194 та ариза ва шикоятлар хамда 42 та ишонч телефонига қилинган мурожатлар белгиланган тартибда кўриб чиқилган. 
    Аниқланган қонун бузилишларни бартараф этиш юзасидан 77 та тақдимномалар киритилиб, шу асосда 100 нафар мансабдор шахс интизомий жазога тортилган,4 нафари эса эгаллаб турган лавозимидан озод этилишига эришилган. Тақдимномаларга асосан 21 та ҳужжат бекор қилиниб, фуқаро, тадбиркор ва фермернинг 3.585.000 сўм миқдоридаги маблағлари ўзларига қайтарилган. Мансабдор шахсларга нисбатан 150 та огоҳлантирувлар киритилиб, 27 нафар шахслар маъмурий жавобгарликка тортилган. Аниқланган қонунбузилишлар бўйича жиноят иши қўзғатиш юзасидан 4 та таклиф киритилди. Бошқарма  томонидан 526 та ҳуқуқий тарғибот тадбирлари ташкил этилган.


Понравилась статья? Жми лайк или расскажи своим друзьям!

Комментарии