Ўзбекистон Халқ шоири ЗУЛФИЯ таваллудининг 100 йиллигига

феврал 25, 2015   - 0 +
Маълумки, тез кунда биз Ўзбек адабиётининг таниқли намояндаси, халқимизнинг суюкли адибаси Зулфияхонимнинг 100 йиллик юбилейини нишонлаймиз. Ана шу сана муносабати билан вилоятимиз ҳудудида жуда кўплаб тадбирлар ўтказилмоқда. У ўз номини асрларга муҳрлаб кетган улуғ ижодкоргина эмас балки унинг  ҳаёти ҳар бир ўзбек аёли учун ибрат намунасидир.
Зулфияхоним Исроилова хушхулқли, олижаноб, зукко инсон, истеъдод соҳибаси, шунингдек, садоқат тимсоли ҳамдир. Чунки у турмуш ўртоғи, машҳур ўзбек шоири Ҳамид Олимжон билан жуда оз умр кечирган бўлса-да, унга умрбод содиқ бўлиб қолди. Турмуш ўртоғини улуғлайди, ундан илҳом олади. 
Муҳтарам Президентимиз ташаббуслари билан ўзининг вафо ва садоқати, оналик меҳри ва аёллик жасорати билан барча ўзбек аёллари учун ибрат намунаси  ҳисобланган шоира шарафига Зулфия номидаги Давлат мукофоти таъсис этилди. Бугунги кунда юзлаб ўзбек қизлари ушбу юксак мукофотга сазовор бўлишган.
Сиз ҳам унинг ижодидан баҳраманд бўлинг...
БАҲОР  КЕЛДИ  СЕНИ  СЎРОҚЛАБ...
 Салқин саҳарларда, бодом гулида
Бинафша лабида, ерларда баҳор,
Қушларнинг парвози, елларнинг нози,
Бахмал водийларда, қирларда баҳор…
Қанча севар эдинг, бағрим, баҳорни,
Ўрик гулларининг эдинг мафтуни.
Ҳар уйғонган куртак ҳаёт берган каби
Кўзларингга суртиб ўпардинг уни.
Мана, қимматлигим, яна баҳор келиб,
Сени излаб юрди, кезди сарсари.
Қишнинг ёқасидан тутиб сўради сени,
У ҳам ёш тўқдию, чекилди нари.
Сени излар экан, бўлиб шаббода,
Сен юрган боғларни қидириб чикди.
Ёзиб кўрсатай деб ҳусн-кўркини,
Яшил қирғоқларни қидириб чиқди.
Топмай, сабри тугаб бўрон бўлдию,
Маълумки, тез кунда биз Ўзбек адабиётининг таниқли намояндаси, халқимизнинг суюкли адибаси Зулфияхонимнинг 100 йиллик юбилейини нишонлаймиз. Ана шу сана муносабати билан вилоятимиз ҳудудида жуда кўплаб тадбирлар ўтказилмоқда. У ўз номини асрларга муҳрлаб кетган улуғ ижодкоргина эмас балки унинг  ҳаёти ҳар бир ўзбек аёли учун ибрат намунасидир.
Зулфияхоним Исроилова хушхулқли, олижаноб, зукко инсон, истеъдод соҳибаси, шунингдек, садоқат тимсоли ҳамдир. Чунки у турмуш ўртоғи, машҳур ўзбек шоири Ҳамид Олимжон билан жуда оз умр кечирган бўлса-да, унга умрбод содиқ бўлиб қолди. Турмуш ўртоғини улуғлайди, ундан илҳом олади. 
Муҳтарам Президентимиз ташаббуслари билан ўзининг вафо ва садоқати, оналик меҳри ва аёллик жасорати билан барча ўзбек аёллари учун ибрат намунаси  ҳисобланган шоира шарафига Зулфия номидаги Давлат мукофоти таъсис этилди. Бугунги кунда юзлаб ўзбек қизлари ушбу юксак мукофотга сазовор бўлишган.
Сиз ҳам унинг ижодидан баҳраманд бўлинг...
БАҲОР  КЕЛДИ  СЕНИ  СЎРОҚЛАБ...
 Салқин саҳарларда, бодом гулида
Бинафша лабида, ерларда баҳор,
Қушларнинг парвози, елларнинг нози,
Бахмал водийларда, қирларда баҳор…
Қанча севар эдинг, бағрим, баҳорни,
Ўрик гулларининг эдинг мафтуни.
Ҳар уйғонган куртак ҳаёт берган каби
Кўзларингга суртиб ўпардинг уни.
Мана, қимматлигим, яна баҳор келиб,
Сени излаб юрди, кезди сарсари.
Қишнинг ёқасидан тутиб сўради сени,
У ҳам ёш тўқдию, чекилди нари.
Сени излар экан, бўлиб шаббода,
Сен юрган боғларни қидириб чикди.
Ёзиб кўрсатай деб ҳусн-кўркини,
Яшил қирғоқларни қидириб чиқди.
Топмай, сабри тугаб бўрон бўлдию,
Жарликларга олиб кетди бошини.
Фарҳод тоғларидан дарагинг излаб,
Сойларга қулатди тоғнинг тошини.
Қирларга илк чиққан қўйчивонлардан
Қайда шоир, дея айлади сўроқ.
Барида сукунат, маъюслик кўриб,
Ҳориб-чарчаб келди, тоқатлари тоқ…
Сўнгра жило бўлиб кирди ётоғимга,
Ҳулкар ва Омоннинг ўпди юзидан,
Сингиб ёш куйдирган заъфар ёноғимга
Секин хабар берди менга ўзидан.
Лекин ётоғимда сени тополмай,
Бир нуқтада қолди узоқ тикилиб.
Яна ел бўлдию, кезиб сарсари,
Мендан сўрай кетди қалбимни тилиб:
«Қани мен келганда кулиб қаршилаб,
Қўшиғи мавжланиб бир дарё оққан
«Бахтим борми дея, яккаш сўроқлаб».
Мени шеърга ўраб суқланиб боққан?
Ўрик гулларига тўнмайди нега,
Елда ҳилпиратиб жингала сочин?
Нега мен келтирган шўх нашидага
Пешвоз чиқмайди у ёзиб қулочин?
Қандай ишкқа тўлиб боқарди тонгта,
Камол топтирарди кенг хаёлимни.
Унинг рангдор, жозиб қўшиғида
Мудом кўрар эдим ўз жамолимни.
Қани ўша куйчи, хаёлчан йигит?
Нечун кўзингда ёш, туриб қолдинг лол?
Нечун қора либос, сочларингда оқ,
Нечун бу кўкламда сен паришонҳол?»
Қандай жавоб айтай лолдир тилларим,
Баридан тутдиму, келдим қошингта.
У ҳам ғаминг билан кезди афтода,
Боқиб туролмайин қабринг тошига.
Аламдан тутоқиб дарахтга кўчди,
Куртакни уйғотиб сўйлади ғамнок.
Сенинг ёдинг билан елиб беқарор,
Гуллар ғунчасини этдилар чок-чок.
Гулу райҳонларнинг таралди атри
Самони қоплади майин бир қўшиқ
Бу қўшиқ нақадар ошино, яқин,
Нақадар ҳаётбахш, оташга тўлиқ.
Баҳорга бурканган, сен севган элда
Овозинг янгради жўшқин, забардаст.
Ўлмаган экансан, жоним, сен ҳаёт,
Мен ҳам ҳали сенсиз олмадим нафас.
Ҳижронинг қалбимда, созинг қўлимда,
Ҳаётни куйлайман, чекинар алам.
Тунлар тушимдасан, кундуз ёдимда,
Мен ҳаёт эканман, ҳаётсан сен ҳам!
 ҲАЁТ  БУ!
Ҳаёт бу!
Инсонга кутишдир одат,
Эртанинг бугундан жозибаси зўр.
Туйнукда кутгандай чақноқ саодат,
Кўлажак ҳар кимга кўринар ҳузур.
Ошиқма, ошиқма оромга!
Зотан
Бахту буюклигинг – бетинчлигингда.
Ғафлатда карахт бир ўтган умрдан
Нафратдан ўртанган азоб ширин-да…
1972

 

 

Мақолани ижтимоий тармоқларда тавсия ёки нашр қилиш учун
Ҳурматли меҳмон, Сиз веб-сайтга рўйхатдан ўтмаган фойдаланувчи сифатида кирганингиз учун Биз Сизга
рўйхатдан ўтишингизни ёки илгари рўйхатдан ўтган логинингиз орқали киришингизни тавсия қилардик.
 

Шарҳ қўшиш шакли

Сизнинг электрон манзилингиз очиқ ошкор этилмайди. Мажбурий тўлдириш керак бўлган қаторлар * билан белгиланган.

Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Смайликларни қўйиш Картинка Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера