САНЪАТНИ СЕВГАН ФАХРИЙЛАР.

август 06, 2015   - 0 +

"Кексаларни эъзозлаш йили” муносабати билан бугун барча ташкилотлар, муассаса ва маҳаллаларда фахрийлар иштирокида кўплаб тадбирлар ўтказилиб, кекса авлод вакилларига алоҳида ҳурмат-эҳтиром кўрсатилмоқда. Навоий шахар 16-давлат ихтисослаштирилган умумтаълим мактаби фаоллар залида ҳам "Фахрийлар куйлаганда” кўрик-танловининг шаҳар босқичи бўлиб ўтди. Шаҳар "Нуроний” жамғармаси ҳамда "Маҳалла” хайрия жамоат фонди шаҳар бўлими ҳамкорлигида ўтказилган тадбирда шаҳримизда истиқомат қилувчи санъатсевар нуроний онахон ва отахонлар иштирок этишди. – Бугунги тадбирда кексаларимизнинг чиқишлари орқали унут бўлаётган миллий қўшиқчилик санъати анъаналарини  ривожлантириб ёш авлодга етказишни мақсад қилганмиз, – дейди Ўзбекистон фахрийларни ижтимоий қўллаб-қувватлаш жамғармаси Навоий шаҳар Кенгаши раиси Раҳматулла Улуғбердиев. Ёшларда фахр ва ифтихор руҳини шакллантириб, миллий лапарлар, катта ашула, лирик қўшиқлар, миллий рақс, шеърият  каби йўналишларни тарғиб этмоқдамиз. Биз келгусида бундай тадбирларни янада кучайтириб иқтидорли, ижодкор фахрийларни рағбатлантириш билан бирга уларни қўллаб-қувватлашни ҳамда унут бўлаётган маданий мерос намуналарини ижро этишга кўмаклашиш ниятидамиз. Кўрик-танловда нуронийларимиз ўз қўшиқ ва рақсларини  маромига етказиб ижро этишди. Уларнинг бадиий ижрочилик маҳорати, қўшиқлар савиясига алоҳида эътибор қаратилди. – Биз кексаларга кўрсатилаётган ҳурмат ва эътибордан жуда мамнунмиз, – дейди "Ўзбекистон” маҳалласида истиқомат қилувчи меҳнат фахрийси Юсуф Мусаев. Бугунги тадбир барча нуронийларимиз кўнглини тоғдек кўтарди. Тадбирда "Қадрланиб, ҳурмат топган кексалар, Тинчлигимиз гаштин суринг кексалар”, деган қўшиқлар бежизга айтилмади. Бугун ҳақиқатан ҳам  нуронийларимиз кексалик гаштини сурадиган замонлар келди. Қарияларни эъзозлаган юртни Оллоҳ ҳам севади. Куй-қўшиқлари мусаффо осмонга таралаётган тинч-осуда кунларимизга фақатгина шукрона айтамиз.

 

 

Мақолани ижтимоий тармоқларда тавсия ёки нашр қилиш учун
Ҳурматли меҳмон, Сиз веб-сайтга рўйхатдан ўтмаган фойдаланувчи сифатида кирганингиз учун Биз Сизга
рўйхатдан ўтишингизни ёки илгари рўйхатдан ўтган логинингиз орқали киришингизни тавсия қилардик.
 

Шарҳ қўшиш шакли

Сизнинг электрон манзилингиз очиқ ошкор этилмайди. Мажбурий тўлдириш керак бўлган қаторлар * билан белгиланган.

Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Смайликларни қўйиш Картинка Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера