Ўзбекиcтондаги барча ОТМларда қабул комиссияси иш бошлади

июн 21, 2016   - 0 +

Ўзбекистондаги Олий таъли муассасалари янги 2016-2017 ўқув йили учун абитуриентларнинг ҳужжатларини қабул қилишни бошлади. Ҳужжатларни қабул қилиш 20 июлга қадар давомэтади.

Университет ва институтларда қабул комиссиялари эрталабки соат 09:00дан соат 18:00гача ишламоқда.

Жорий йилда Ўзбекистон бўйича 476 мингдан ортиқ ўқувчи умумтаълим мактабини битирди.

Ўтган йили ОТМларга 550 минг абитуриент ҳужжат топширган, 2014 йилда бу кўрсаткич 543 минг нафарни ташкил қилган.

Кириш имтиҳонлари 1 август куни ўтказилади.

Олий ва ўрта махсус таълим вазирлиги томонидан тасдиқланган, бакалавриатга қабул қилиш учун абитуриентлардан сўраладиган ҳужжатлар рўйхати

1. Ректор номига таълим йўналишини, ўқиш олиб бориладиган тил ва шаклни кўрсатган ҳолда ариза. Аризада олий маълумоти йўқлиги/олий ўқув юртини тамомламаганлиги тўғрисидаги, абитуриент тест синовларини қайси тилда топширмоқчи эканлиги тўғрисидаги ҳамда тест синовларини ўтказиш қоидалари билан ҳамда жавоб варақларини тўғри тўлдириш тартиби билан танишгани тўғрисидаги маълумотлар;

2. Ўрта таълим муассасасини (11-синф), ўрта махсус таълим муассасасини, академик лицейни тамомлаганлик тўғрисидаги ҳужжат.

3. Тиббий маълумотнома (086-У-шакл).

4. Паспортнинг кўчирма нусхаси (паспорт олиш ёшига етмаган шахслар учун туғилганлик тўғрисидаги гувоҳноманинг кўчирма нусхаси).

5. 3,5 х 4,5 см ўлчамдаги 6 та рангли фотосурат.

6. Ўқишга танловсиз кириш ҳуқуқини тасдиқловчи ҳужжатнинг асл нусхаси (халқаро ва республика олимпиадалари, танловлари ва мусобақалари ғолиблари учун).

7. Меҳнат дафтарчасидан белгиланган тартибда тасдиқланган кўчирма, иш жойидан тавсифнома (таълимнинг сиртқи шакли бўйича ўқишга кираётган абитуриентлар учун).

8. Ўзбекистондаги олий ўқув юртларига кириш учун Қуролли Кучлар бўлинмалари тавсияномаларининг асл нусхалари (муддатли ҳарбий хизматни ўтаган шахслар учун).

Абитуриент паспорти (паспорт олиш ёшига етмаган шахслар эса туғилганлик тўғрисидаги гувоҳномасини) ва ҳарбий билет (ҳарбий ҳисобда турганлик гувоҳномасини) қабул комиссиясига шахсан кўрсатади.
Муддатли ҳарбий хизматни ўтаган шахсларнинг тавсияномалари олинган пайтидан эътиборан 3 йил мобайнида ҳақиқий ҳисобланади.

Муддатли ҳарбий хизматни ўтаган ва ҳарбий қисм тавсияномасига эга бўлган абитуриентлар тегишли тавсияномани таълим муассасаси қабул комиссиясига 20 июлгача тақдим этадилар, ундан кейин топширилган тавсиянома қабул қилинмайди.

Абитуриентлар томонидан қайд этилган талаблар бажарилганда уларнинг ҳужжатларини қабул қилиш рад этилмайди. Абитуриентга ҳужжатлари қабул қилинганлиги тўғрисида тилхат берилади.

Юқорида айтиб ўтилган ҳужжатлар бўлган тақдирда қабул комиссияси уларни қабул қилишни рад этишга ҳақли эмас.

Кундузги, махсус сиртқи таълим йўналишлари бўйича тест синовлари, Қабул тўғрисидаги низомга асосан 3 тилда, ўзбек, қорақалпоқ (Қорақалпоғистон республикасида) ва рус тилларида, Ўзбекистон Республикасининг барча ҳудудларида 10* июль ва 1 август куни бир вақтда ўтказилади (*билан кўрсатилган сана ҳарбий олий таълим муассасаларига тегишли).

 

 

Мақолани ижтимоий тармоқларда тавсия ёки нашр қилиш учун
Ҳурматли меҳмон, Сиз веб-сайтга рўйхатдан ўтмаган фойдаланувчи сифатида кирганингиз учун Биз Сизга
рўйхатдан ўтишингизни ёки илгари рўйхатдан ўтган логинингиз орқали киришингизни тавсия қилардик.
 

Шарҳ қўшиш шакли

Сизнинг электрон манзилингиз очиқ ошкор этилмайди. Мажбурий тўлдириш керак бўлган қаторлар * билан белгиланган.

Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Смайликларни қўйиш Картинка Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера