Quvondiqov Bekzodning biz haqqimizda fikrlari!

     Salom! Mening ismim Quvondiqov Bekzod. Yoshim 13 da. Men Sensorika "IT" - o’quv markazida 2024 yil iyun oyida IT sohasining ilk qadami bo’lgan kompyuter savodxonligini boshladim. Bu markazdagi dasturlash va kompyuter texnologiyalari bo'yicha kurslar men uchun yangi yutuqlar ochdi. Birinchi o’rinda “Kompyuter Savodxonligi” kursida ishtirok etib, kompyuterning asosiy tushunchalarini o’rgandim va bu jarayon davomida to’liq bilimlar bazasini shakllantirdim. Ushbu kursni muvaffaqiyatli tamomlab, maxsus sertifikat bilan taqdirlandim.

     Ammo bu men uchun oxirgi nuqta bo’lmadi. Birigina kichik savodxonlik kursi sertifikati meni yanada ushbu sohani chuqurroq o’rganishimga turtki bo’lib, o’zimni dasturlashda ko’rishda qaror qildim va bu qarorimni oila azolarim qo’llab quvvatlashdi. 

     Dasturlash yo’nalishlarining ko’pligi sababli, men o’zim uchun eng qiziqarli bo’lgan Front-end dasturlashni tanladim. Hozirda maxsus individual kursda o'qiyotganimda, Front-end texnologiyalari bo’yicha chuqur bilimlarni egallashga intilmoqdaman. Kursning ikkinchi oyiga o’tib, “Onlayn Kompyuter Do’koni” va “Portfolio” kabi amaliy veb-saytlarni yaratdim va ular bilan internetda ishlashni o’rgandim.

     Kurs davomida o'z loyihalarimni yanada rivojlantirib, kelajakda foydali va innovatsion WEB-sayt yoki dasturlarni yaratish niyatidaman. Har bir yangi loyiha, har bir yangi qadam menga katta tajriba va bilim beradi. 

     Sensorika IT O’quv markazidagi ta’lim va ko’nikmalarimni kelajakdagi maqsadlarimni amalga oshirishida muhim rol o’ynaydi, va men bu yo’lda o'z imkoniyatlarimni yuqori darajada foydalanish uchun harakat qilaman.