Dasturchi bo‘lishni istagan bolakaydan – ustozgacha bo‘lgan yo‘l

     Men — 22 yoshli web dasturchiman. Hozirda Navoiy shahridagi Sensorika IT o‘quv markazida dasturlash yo'nalishida dars beraman. Ammo bu bosqichga birdaniga chiqqanim yo‘q. Har bir pog‘onani sabr bilan bosib o‘tdim. O‘rganish, sinash, xatolar, muvaffaqiyatlar — bularning bari men uchun katta maktab bo‘ldi.

     IT’ga bo‘lgan qiziqishim bolaligimdan boshlandi. 4-maktabda o‘qib yurgan davrlarimda darslarga chin dildan e'tibor qilardim. O‘qishga bo‘lgan ishtiyoqim va mantiqiy masalalarga bo‘lgan qiziqishim meni dasturlashga olib keldi.

 

     “Sensorika IT” o’quv markazi — orzular boshlanadigan joy

     “Sensorika IT” o’quv markazi  bu oddiy kurs emas. Bu yer — o‘rganuvchini ustozga aylantiradigan makon.

     Bu yerda har bir o‘quvchining salohiyatiga ishoniladi, har bir kichik yutuq e’tirof etiladi.

Sensorikada:

Sizga ishonishadi, sizga vaqt ajratishadi.

Siz savol bersangiz — sizni tinglashadi, tushunishadi.

Siz xato qilsangiz — sizni yomonlamaydi, o‘rgatishadi.

     Men aynan shu muhitda o‘rgandim. Endi esa, shu muhitda boshqalarga ham o‘rgatmoqdaman.

     Sensorikadagi vazifam – faqat dars emas

     Bugun men "Sensorika IT"da dasturlashdan saboq beraman. Bu faqat kod yozishni o‘rgatish emas — bu o‘quvchilarning tafakkurini, muammoga yondashuvini, hayotga qarashini shakllantirish demakdir. Ularning har bir “qilolmadim” degan so‘zini “qilaman”ga aylantirish — bu men uchun eng katta mukofot.

     Men o‘quvchilarimga har doim shuni aytaman:

"O‘rganishda to‘xtab qolmang. Har bir yechilmagan masala — bu sizni kuchaytiradigan zinapoya."      

“Sensorika IT” o’quv markazida bu fikr har doim esda tutiladi. Chunki bu yerda har bir o‘quvchi katta kelajak egasi sifatida ko‘riladi.

 IT — bu faqat texnologiya emas, bu jamiyatga xizmat

 IT sohasining eng go‘zal jihati — bu chegarasiz imkoniyat.

Ayniqsa web dasturlash — bu faqatgina sayt yaratish emas, balki odamlar hayotini yengillashtirish, xizmat ko‘rsatish, jamiyatga foyda keltirish vositasi.

     Sensorikada biz o‘quvchilarga shuni tushuntiramiz:

 Siz kod yozayotganingizda — siz jamiyatga xizmat qilmoqdasiz.

Siz dastur yaratayotganingizda — kimningdir muammosiga yechim bermoqdasiz. Va bu tushuncha o‘quvchining ko‘zida chaqnash, yuragida mas’uliyat uyg‘otadi.

     "Orzularingizni ortga surmang. Texnologiyalar olamida eng katta kashfiyotlar hali qilinmagan. Va ehtimol, aynan siz — ularni yaratasiz."

“Sensorika IT” o’quv markazida bugungi o‘quvchilar — ertangi innovatsiya mualliflari.

Men esa ularning yonida, ularga yo‘l ko‘rsatishda davom etaman.