Men Adizjonova Sabina

     Men Adizjonova Sabina. Hozirda Navoiy viloyati, Navoiy shahri 10-maktabining 8-sinfida o‘qiyman. Yozgi ta’til vaqtini behuda o‘tkazmaslik, balki undan unumli foydalanish maqsadida kompyuterni mukammal darajada o‘rganishga qaror qildim. Shu niyat bilan o‘zim yashab turgan shaharda joylashgan “Sensorika IT” o‘quv markazini tanladim. Bu markazda ta’lim olishim nafaqat IT sohasidagi bilimlarimni kengaytirishga, balki mustahkam kasbiy poydevor yaratishga katta hissa qo‘shmoqda.

     "SENSORIKA" IT-o‘quv markazini tanlashimning bir qancha asosiy sabablari bor. Avvalo, markazning zamonaviy va hayotga moslashtirilgan o‘quv dasturlari, tajribali va o‘z ishiga mehr bilan yondashadigan o‘qituvchilar jamoasi meni juda qiziqtirdi. Bu yerda nazariy bilimlar faqat kitoblarda qolib ketmaydi, balki amaliy mashg‘ulotlar orqali mustahkamlanadi. Shu bois o‘rganish jarayoni tez, samarali va qiziqarli o‘tadi. "SENSORIKA" IT-o‘quv markazi qulay va zamonaviy jihozlangan o‘quv xonalari bilan ajralib turadi. Har bir o‘quvchiga alohida kompyuter ajratilgan bo‘lib, bu esa bilimlarni mustaqil ravishda amalda sinab ko‘rish, o‘z ustida ishlash imkonini yaratadi.

     Hozirda "SENSORIKA" IT-o‘quv markazida kompyuter savodxonligi kursini mukammal ravishda tugatdim. Shu vaqt ichida kompyuter bilan ishlash bo‘yicha ko‘plab yangi bilimlarga ega bo‘ldim. Ayniqsa, ustozlarim Hamdullaev Aziz va Egamov Nurmuhammad menga juda ko‘p narsalarni o‘rgatdilar. Ustozlarimning saboqlari tufayli bugungi kunda Word, Excel, PowerPoint va shunga o‘xshash dasturlarda mukammal ishlashni o‘rgandim. Kompyuter savodxonligi kursini tugatdim va hozirda Frontend kursida o‘qiyapman.

     Men "SENSORIKA" IT-o‘quv markazini tanlaganimdan juda mamnunman. Bu markaz nafaqat o‘qitadi, balki kelajakdagi rejalaringizni amalga oshirishga, texnologiyalar olamiga dadil kirib borishga imkon yaratadi. O‘ylaymanki, bu yerda o‘qishim oddiy kurs emas, balki katta imkoniyatlarga ochiladigan eshikdir.

   Agar siz ham IT sohasida o‘z o‘rningizni topmoqchi bo‘lsangiz, zamonaviy kasbni egallab, o‘z g‘oyalaringizni texnologiyalar orqali amalga oshirmoqchi bo‘lsangiz, "SENSORIKA" IT-o‘quv markazi siz uchun eng to‘g‘ri tanlov bo‘la oladi.