Mening ismim Soliha

     Mening ismim Soliha, 14 yoshdaman, va 1 yildan buyon “Sensorika IT” o‘quv markazida tahsil olib kelmoqdaman. Bu qisqa davr ichida hayotimda katta o‘zgarishlar yuz berdi: yangi bilimlar, yangi imkoniyatlar va keng dunyo meni kutib oldi. Texnologiyalar olamiga kirganimda, bu yo‘lning naqadar qiziqarli, foydali va kelajakni yaratish uchun to‘la imkoniyatlarga boy ekanini tasavvur qilmagan edim.

     Birinchi qadamim “Kompyuter savodxonligi” kursida o‘qishni boshlashdan boshlandi. Bu kursda kompyuterning asosiy tushunchalarini mukammal o‘zlashtirdim. Word, Excel, PowerPoint kabi dasturlarda ishlashni o‘rgandim va ularning amaliyotda qanday ishlatilishini bilib oldim. Ushbu kurs menga nafaqat texnik bilimlar berdi, balki mantiqiy fikrlash va muammolarni hal qilish kabi ko‘nikmalarni rivojlantirdi. Kursni muvaffaqiyatli tamomlab, maxsus sertifikat bilan taqdirlandim. Bu menga katta ilhom bag‘ishladi va texnologiyalar yo‘lida yana bir qadam oldinga siljishimga turtki berdi.

     Lekin bu faqat boshlanish edi. Texnologiyalarga bo‘lgan qiziqishim yanada ortdi, va men dasturlashni o‘rganishga qaror qildim. Dasturlashda ko‘plab yo‘nalishlar mavjudligini tushundim, lekin aynan Frontend dasturlash meni o‘ziga jalb etdi. HTML, CSS va jаvascript tillarini o‘rganib, dastlabki veb-saytlarimni yaratishni boshladim. Frontend dasturlashda dizayn va funksionallik uyg‘unlashadi, bu esa menga juda qiziqarli ko‘rindi.

Kurs davomida ustozlarimning rahbarligida amaliy loyihalar ustida ishladim, haqiqiy saytlar yaratib, ularni internetga joylashtirdik. Bu menga nafaqat nazariy bilimlar, balki real tajriba ham berdi. Kod yozish jarayonida duch kelgan qiyinchiliklarni yengib o‘tish, yangi narsalarni o‘rganish va o‘z ustimda ishlash menga katta motivatsiya berdi va yanada ko‘proq o‘rganishga undadi.

     Dasturlash men uchun nafaqat kasb, balki kelajakni yaratish imkoniyatidir. Hozirda men Frontend dasturlash bo‘yicha bilimlarimni yanada mustahkamlash bilan birga, Python va boshqa texnologiyalarni ham o‘rganishga harakat qilmoqdaman. Kelajakda professional dasturchi bo‘lishni va katta loyihalarda ishlashni orzu qilaman. Eng katta maqsadim – o‘z startapimni yaratish va o‘z g‘oyalarimni hayotga tatbiq etish.

Shuningdek, hozirda halqaro sertifikat topshirishga tayyorgarlik ko‘ryapman. Bu sertifikat nafaqat bilimlarimni tasdiqlashga yordam beradi, balki yangi imkoniyatlar va global miqyosda tanilish uchun juda muhimdir. Sertifikatni olish, men uchun yangi yo‘llarni ochish va yanada yuqori darajadagi bilimlarni olish imkonini yaratadi.

     Bundan tashqari, men kelajakda Prompt Enginer sohasiga ham qadam qo‘yishni rejalashtirmoqdaman. Bu soha texnologiyalar va sun'iy intellekt bilan chambarchas bog‘liq bo‘lib, kelajakda uning ahamiyati yanada oshishi kutilmoqda. Ushbu yo‘nalish menga yangi g‘oyalar yaratish va texnologiyalarni boshqarish imkoniyatini beradi.

     Agar siz ham texnologiyalar bilan bog‘liq zamonaviy kasb egasi bo‘lishni istasangiz, “Sensorika IT” o‘quv markaziga kelib, bilim olishingizni tavsiya qilaman. Bu markaz menga ulkan imkoniyatlar eshigini ochdi, va menimcha, bu sizning ham mustahkam poydevoringiz bo‘lishi mumkin. “Sensorika IT” o‘quv markazi – mening tanlovim, sizning ham tanlovingiz bo‘lishi mumkin!