Mening ismim Asilbek

     Mening ismim Asilbek. Men 14 yoshdaman va 8 oydan buyon “Sensorika IT” o‘quv markazida tahsil olib kelmoqdaman. Bu davr ichida hayotim tubdan o‘zgardi, yangi bilimlar va imkoniyatlar olamiga kirib keldim. Texnologiyalar olamiga ilk qadamimni qo‘yganimda, bu yo‘lning naqadar qiziqarli va imkoniyatlarga boy ekanini tasavvur ham qilmagan edim.

     Dastlab, "Kompyuter savodxonligi" kursida o‘qib, kompyuterning asosiy tushunchalarini puxta o‘zlashtirdim. Word, Excel, PowerPoint kabi dasturlarda ishlashni, ma’lumotlarni qayta ishlash va taqdimotlar tayyorlashni o‘rgandim. Ushbu kurs menga nafaqat texnik bilimlar, balki mustaqil ishlash, mantiqiy fikrlash va muammolarni hal qilish qobiliyatini ham rivojlantirishga yordam berdi. Kursni muvaffaqiyatli yakunlaganim uchun maxsus sertifikat bilan taqdirlandim. Bu esa menga yanada katta ilhom bag‘ishladi.

     Ammo bu mening yo‘limning faqat boshlanishi edi. Texnologiyalarga bo‘lgan qiziqishim ortib, dasturlashni chuqurroq o‘rganishga qaror qildim. Dasturlashning ko‘plab yo‘nalishlari borligini tushundim, lekin aynan Frontend dasturlash meni eng ko‘p o‘ziga jalb qildi. Chunki bu sohada dizayn va funksionallik uyg‘unlashib, real natijalarga erishish mumkin. HTML, CSS va jаvascript tillarini o‘rganib, dastlabki veb-saytlarimni yaratishni boshladim.

     Kurs davomida ustozlarimning rahbarligida amaliy loyihalar ustida ishladim, haqiqiy saytlar yaratdim va ularni internetga joylashtirdik. Bu menga nafaqat nazariy bilimlar, balki real tajriba ham berdi. Kod yozish davomida duch kelgan qiyinchiliklarni yengib o‘tish, yangi narsalarni o‘rganish va o‘z ustimda ishlash menga katta motivatsiya bag‘ishladi.

    Dasturlash – bu shunchaki kasb emas, bu kelajakni yaratish vositasi. Hozirda men Frontend dasturlash bo‘yicha bilimlarimni yanada mustahkamlash bilan birga, Python va boshqa texnologiyalarni ham o‘rganishga harakat qilmoqdaman. Mening eng katta maqsadim – kelajakda professional dasturchi bo‘lish, katta loyihalar ustida ishlash va o‘z startapimni yaratish. Ishonamanki, tinimsiz harakat va mehnat bilan bu orzularimga erishaman.

     Agar siz ham zamonaviy kasb egasi bo‘lishni istasangiz, kelajakni texnologiyalar bilan bog‘lashni xohlasangiz, “Sensorika IT” o‘quv markaziga kelib, o‘qishingizni tavsiya qilaman. Bu markaz menga ulkan imkoniyatlar eshigini ochdi, siz uchun ham shu yo‘lda mustahkam poydevor bo‘lishiga ishonaman! “Sensorika IT” o‘quv markazi – mening tanlovim, sizning ham tanlovingiz bo‘lishi mumkin!