Men Ramazonova Mohina

IT sohasidagi yo‘lim "Kompyuter Savodxonligi" kursidan boshlandi. Bu kurs menga kompyuterning asosiy tushunchalarini, dasturlardan samarali foydalanishni va internet imkoniyatlaridan unumli foydalana olishni o‘rgatdi. Eng muhimi, bu kurs orqali men birinchi daromadimni topdim. Kwork va Canva kabi platformalarda ishlashni o‘rganib, real loyihalar ustida ishlay boshladim. Bu esa menga mustaqil ishlash va mehnatim evaziga haq olish qanchalik qiziqarli ekanini his qilishga yordam berdi. Kursni muvaffaqiyatli tugatganim uchun maxsus sertifikat bilan taqdirlandim, bu esa meni yanada ilhomlantirdi.

Keyinchalik, 3DS Max dasturida 3DS modellashtirish asoslarini o‘rganib, dizayn va grafik yaratish bo‘yicha ko‘nikmalarimni rivojlantirdim. Bu soha nafaqat texnik bilimlarni, balki ijodiy yondashuvni ham talab qilishi bilan meni o‘ziga jalb qildi. 3DS modellashtirish kursi davomida dunyoqarashim ancha kengaydi – men oddiy tasvirlardan tashqariga chiqib, har qanday buyumni uch o‘lchamli formatda tasavvur qilish va yaratish imkoniyatiga ega bo‘ldim. 

Bu yo‘nalish orqali inson cheksiz imkoniyatlarga ega bo‘ladi: arxitektura dizayni, o‘yin grafikalari, animatsiya, virtual haqiqat va boshqa ko‘plab sohalarda ishlash mumkin. Kelajakda men 3DS modellashtirish bo‘yicha o‘z loyihalarimni yaratib, katta proyektlarda ishtirok etish va bu sohadan barqaror daromad topish niyatidaman. Bu faqat boshlanishi!

Hozirda esa Python dasturlash tili bo‘yicha bilimlarimni oshiryapman. Python – eng ommabop va kuchli dasturlash tillaridan biri bo‘lib, u orqali sun’iy intellekt, avtomatlashtirish, veb-sayt yaratish va ma’lumotlarni qayta ishlash kabi ko‘plab yo‘nalishlarda ishlash mumkin.

Python menga mantiqiy fikrlash, muammolarni hal qilish, algoritmik yondashuv kabi muhim ko‘nikmalarni rivojlantirishga yordam beryapti. Kurs davomida turli real loyihalar ustida ishlayapman va har bir yangi kod yozganimda o‘z bilimimni yanada chuqurlashtiryapman. Kelajakda innovatsion dasturlar va foydali veb-loyihalar yaratish, shuningdek, sun’iy intellekt yo‘nalishida ishlashni maqsad qilganman.

Men uchun IT sohasi – bu shunchaki kasb emas, balki cheksiz imkoniyatlar dunyosi. Ushbu soha bilan inson doim rivojlanib borishi mumkin, biroq hech qachon ortga qaytmaydi. IT olamida har kuni yangi bilimlar, yangi imkoniyatlar va yangi cho‘qqilar bor. Men bu yo‘lda har kuni o‘z ustimda ishlashga, bilim va tajribalarimni oshirishga intilyapman.

“Sensorika IT” o‘quv markazi menga bu imkoniyatni berdi va men kelajakda o‘z loyihalarim bilan IT dunyosida o‘z o‘rnimni topishga qat’iy qaror qildim!