"Bir million dasturchi" loyihasi, yoshlar uchun ulkan imkoniyatlar eshigi!

2 голоса

O‘zbekiston Respublikasi Prezidenti Sh.M. Mirziyoyev rahbarligida 2023-yil 20-dekabr kuni kengaytirilgan tarzda o‘tkazilgan videoselektor yig‘ilishining 48-sonli bayonida 2024-yilda IT sohasida erishilishi zarur bo‘lgan samaradorlik ko‘rsatkichlari keltirilgan. Reja dasturida "Bir million dasturchi" loyihasi doirasida yoshlarni professional darajadagi xalqaro IT sertifikatiga o‘qitish rejalashtirilgan.

Shu asosda Navoiy shahrida 2024-yilda raqamli texnologilarni jadal joriy etish yuzasidan chora-tadbirlar dasturida 50 nafar yoshlarni sertifikatga o‘qitish belgilangan.

2024-yil 1-mart kunidan boshlab yoshlarning xalqaro IT sertifikatlar uchun sarf qilgan xarajatlarining 60 foizgacha hamda B2 va undan yuqori darajadagi sertifikatga ega yoshlarning xalqaro IT sertifikatlar uchun sarf qilgan xarajatlarining 100 foiz qismi qoplab beriladi. Shu bois maktab o‘quvchilari orasidan ingliz tilidan B2 va undan yuqori darajaga ega bo‘lgan o‘quvchilarni jalb qilish maqsadida IT park rezidenti "SENSORIKA" IT-oquv markazi rahbari Farhod Jo`rayev va Navoiy shahar hokimiyati Raqamli iqtisodiyotni rivojlantirish bo'yicha loyihalar menejeri Bahtiyorov Javohir bilan birgalikda Navoiy shahridagi 1-sonli umumta`lim maktabida o`quvchilarga targ`ibot va tashviqot ishlari olib borildi.