Sensorika” rahbariyati va jamoasining YANGI YIL tabrigi

     Albatta yangi yil kirib kelishi oldidan har bir ish sarhisob qilinadi. “Sensorika IT” jamoasi axborot texnologiyalari, ular bilan ishlash, ularning afzalliklari yuzasidan 2024 yilda maxsus  dasturlar orqali minglab tinglovchlarga saboq berdi. Shu yilda  yana bir filialimiz ya’ni dunyoning 20 dan ortiq professor olimlari  tomonidan ma’qullangan o’quv dasturi asosida   o’zbek tilida faoliyat yuritadigan O’zbekistondagi ilk sun’iy intellekt akademiyasi ishga tushdi. 

     Markazimiz maktablar,boshqa o’quv yurtlari, hokimlik, tashkilot va korxonalar hamda mahallalar bilan o’zaro hamkorlik qildi. Ko’plab  kam ta’minlangan, ijtimoiy himoyaga muhtoj oilalar farzandlariga imkoniyat darajasida o’qishlariga imtiyozli yordamlar ko’rsatildi.

     Markazda o’qib internet sirlarini mukammal o’zlashtirgan  ko`plab muvaffaqiyatli tinglovchilarimiz imtiyozli ravishda oliygohlarga o’qishga qabul qilinishdi. Bizda ta’lim olgan 100 nafardan ortiq yoshlarimiz freelancing orqasidan yaxshigina daromad topishmoqda. O’zlari ishlab, kelajak kasblari uchun ish o’rinlarini ochib yurtimiz ravnaqiga munosib hissa qo’shishmoqda.

Markazda joriy etilgan kompyuter savodxonligi asoslari, algoritmik fikrlash, matnli va grafik redaktorlar bilan ishlash, internetda xavfsiz ishlash, katta hajmdagi ma'lumotlarni qayta ishlash,  Python (dasturlash asoslari), Freelancing (pul ishlash), Frontend (vebsayt yaratish), BACK END (veb dasturlash), 3DsMAX (loyihalar yaratish)  kurslari yangilangan dasturlar asosida tinglovchilarga saboq berishda davom etadi.  Jonkuyar, mukammal bilimga ega, o’z kasbining fidoiysi bo’lgan mutaxassis va o’qituvchilarimiz doimo o’qitishga tayyordirlar. 2025 yildagi eng katta maqsadlarimizdan biri bu - har bir Navoiylik xonadoniga o’z maqsadimizni etkazish. Ana shu maqsadda o’qitish jarayonida sezilarli darajada chegirmalar joriy etilishi bu tinglovchilarimiz uchun yaxshigina bir qulaylikdir.

Sizlar uchun Yangi yil yangi orzu-umidlar, keng imkoniyatlar yili bo`lsin. Har biringizning yurtimiz faravonligi, halqimiz osoyishtaligi, tinchligimiz barqarorligi yo’lidagi sharafli ishlaringizga omad tilaymiz. 2024 yil davomida bizga ishonch bildirgan barcha-barcha tinglovchilarimiz, hamkorlarimizga minnatdorchilik bildiramiz va yangi yilda hamkorligimiz davom etishiga umid qilamiz. 

     Yangi yilingiz bilan! Ishonchingiz va “Sensorika IT” o’quv markazini tanlaganingiz uchun chin dildan minnatdormiz. Kelgusi yilda barcha vazifa va maqsadlaringizga erishishingizni tilab qolamiz. Sizga hayotdagi eng yaxshi narsalarni, oilaviy baxt, farovonlik, xotirjamlik va barcha jabhada hamjihatlik tilaymiz. Kelgusi yilda sizni faqat quvonchli va ijobiy his-tuyg'ular kutsin. Sizga va yaqinlaringizga hamisha odamlar e’tiborida  bo'lishingizni tilab qolamiz. “Sensorika IT” o’quv markazi bilan birgalikda istaklar qiling, rejalar tuzing va maqsadlaringizga oson va tabiiy ravishda erishing. Bu borada biz doimo siz bilan birgamiz!

Hurmatli do’stlar!

Mana, eshik oldida bayram.

Uzoq kutilgan daqiqalar -

Ertaksimon  Yangi yil!

 

Yangi Yil muborak!

Tilaymiz mo’jiza, quvonch va sevinch

Sizga yana deymiz

Baxtli bo'ling deb!

 

Sog'lom bo'ling, boy bo’ling

Mo’jizaga  ishoning.

Va, albatta, sizni biz

Sensorikada kutamiz,

Internetdan o’qitib

Sizla birga bo'lamiz!