Men, Shukurova Matonat, yoshim 35 da

0 голосов

Men, Shukurova Matonat, yoshim 35 da, 3 nafar farzandning onasiman. 2017–2018 o‘quv yilida Pedagogika institutining maktabgacha ta’lim yo‘nalishi bo‘yicha tahsil olib, uni muvaffaqiyatli tamomladim. O‘qish jarayonida shuni angladimki, bugungi tezkor rivojlanayotgan davrda kompyuter savodxonligi har bir inson uchun zaruriy ko‘nikmaga aylanib bormoqda. Shu sababli axborot texnologiyalarini hayotimning barcha jabhalarida kerak bo‘lishini inobatga olib, kompyuter bilimlarini puxta o‘zlashtirishni istadim va shahrimizdagi “Sensorika IT” o‘quv markazining “Kompyuter savodxonligi” kursiga yozildim.

Yaqinda men ushbu kursni muvaffaqiyatli yakunladim. Ta’lim jarayonida dastlab oddiy amaliy mashqlardan boshlab, hujjat tayyorlash, taqdimot yaratish, elektron pochta va internetdan samarali foydalanish kabi ko‘plab foydali bilimlarga ega bo‘ldim. Eng quvonarlisi shundaki, bu jarayon nafaqat nazariy bilim, balki muntazam amaliy mashg‘ulotlar orqali ham mustahkamlandi.

Mazkur kurs mening hayotimda katta o‘zgarishlarga sabab bo‘ldi. Avvallari kompyuterda ba’zi dasturlardan foydalanishda qiynalsam, endilikda ishonch bilan hujjatlarni qayta ishlashim, ma’lumotlarni tartibga solishim, kerakli manbalarni izlab topishim va ulardan bemalol foydalanishim mumkin. Bu esa o‘zimni yanada zamonaviy va faol inson sifatida his etishimga turtki bo‘ldi.

Shu o‘rinda kurs tashkilotchilariga va ustozlarga chuqur minnatdorchiligimni bildirmoqchiman. Ularning sabr-toqati, aniq va tushunarli tushuntirishlari, har bir tinglovchiga individual yondashuvlari tufayli o‘quv jarayoni samarali kechdi. Kelasi yil ta’til vaqtida ham ushbu markazda ta’lim olishni niyat qildim.