Kompyuter savodxonligi – zamonaviy hayot talabi

1 голос

Men Safarova Dilnoza Toshkent Davlat Texnika Universiteti talabasiman. Bugungi tezkor rivojlanayotgan davrda kompyuter savodxonligi har bir inson uchun zaruriy ko‘nikmaga aylanib bormoqda. Shu jumladan menga ham o’qish jarayonida va kelajakda Axborot texnologiyalari hayotimning barcha jabhalarida kerakliligini bilgan holda , kompyuter bilimlarini puxta o‘zlashtirishni istadim va shahrimizdagi “Sensorika IT” o’quv markazidagi “ Kompyuter savodxonligi” kursiga yozildim.

Yaqinda men kompyuter savodxonligi bo‘yicha maxsus kursni muvaffaqiyatli tamomlash arafasidaman. Kurs davomida dastlabki oddiy amaliy mashqlardan tortib, hujjat tayyorlash, taqdimot yaratish, elektron pochta va internetdan samarali foydalanish kabi ko‘plab foydali bilimlarga ega bo‘ldim. Eng quvonarlisi shundaki, bu jarayon nafaqat nazariy bilim, balki doimiy amaliy mashg‘ulotlar orqali ham mustahkamlandi.

Mazkur kurs menda katta o‘zgarish bo`ldi. Avvallari kompyuterda ba’zi dasturlardan foydalanishda qiynalsam, endilikda ishonch bilan hujjatlarni qayta ishlashim, ma’lumotlarni tartibga solishim, kerakli manbalarni izlab topishim va ulardan bemalol foydalanishim mumkin. Bu esa o‘zimni yanada zamonaviy va faol inson sifatida his etishimga turtki bo‘ldi.

Shu o‘rinda kurs tashkilotchilariga va ustozlarga o’z minnatdorchiligimni bildirishni istardim. Ularning sabr-toqati, aniq va tushunarli tushuntirishlari, har bir tinglovchi o’quvchiga individual yondashuvi tufayli o‘quv jarayoni samarali o‘tdi. Men kelasi yil ta’til vaqtida ham ushbu markazda o’qishni niyat qildim.

Xulosa qilib aytganda, kompyuter savodxonligini o‘rganish – bugungi kun talabi. Men o‘z tajribamdan kelib chiqib, barchani imkon qadar bu ko‘nikmalarni egallashga chaqirgan bo‘lardim. Chunki raqamli dunyoda savodxon bo‘lish — ertangi kunda muvaffaqiyat garovidir.