Mening ismim Marjona, yoshim 14 da...

     Mening ismim Marjona, yoshim 14 da va 1 yildan buyon “Sensorika IT” o‘quv markazida tahsil olib kelmoqdaman. Shu qisqa vaqt ichida hayotimda katta o‘zgarishlar yuz berdi — yangi bilimlar, yangi imkoniyatlar va IT olami meni o‘ziga rom etdi. Bu soha qanchalik hayajonli, foydali va kelajak uchun beqiyos imkoniyatlarga ega ekanini ilgari tasavvur ham qilmagan edim.

     Mening IT yo‘lim “Kompyuter savodxonligi” kursidan boshlandi. Bu jarayonda kompyuterning ishlash tamoyillarini o‘rganib, Word, Excel va PowerPoint dasturlarida bemalol ishlash darajasiga yetdim. Amaliy mashg‘ulotlar orqali bu dasturlarning hayotdagi ahamiyatini ham tushunib oldim. Eng muhimi, bu tajriba menda mantiqiy fikrlash va muammolarni hal qilish ko‘nikmasini mustahkamladi. Kursni muvaffaqiyat bilan yakunlab, sertifikatga ega bo‘lishim menga ishonch bag‘ishlab, texnologiyalar yo‘lidagi keyingi marralar sari ilhomlantirdi.

     Shundan so‘ng IT olamidagi haqiqiy sarguzashtim boshlandi. Texnologiyalarga bo‘lgan qiziqishim tobora kuchayib, dasturlashni o‘rganishga qat’iy bel bog‘ladim. Dasturlashning turli yo‘nalishlarini ko‘rib chiqqach, aynan Frontend sohasi qalbimga yaqin bo‘ldi. HTML, CSS va jаvascript tillarini o‘zlashtirib, ilk veb-saytlarimni yaratishga kirishdim. Frontend men uchun dizayn go‘zalligi va funksionallik uyg‘unlashgan olamni ochdi.

     Kurs davomida ustozlarim yo‘riqligida amaliy loyihalar ustida ishladim, haqiqiy saytlar ishlab, ularni internetga joylashtirdik. Bu jarayon menga nafaqat nazariy bilim, balki qimmatli amaliy tajriba ham berdi. Kod yozish chog‘ida uchragan qiyinchiliklarni yengish, yangi g‘oyalarni sinab ko‘rish va o‘z ustimda ishlash menga katta ilhom bag‘ishladi hamda yanada chuqurroq o‘rganishga undadi.

     Dasturlash men uchun nafaqat kasb, balki kelajak yaratish imkoniyati. Kelajakda professional dasturchi bo‘lish va yirik loyihalarda ishtirok etishni oldimga maqsad qilib qo‘yganman. Eng katta orzuim — o‘z startapimni yaratish va g‘oyalarimni hayotga tatbiq etish. Hozir esa xalqaro sertifikat topshirishga tayyorgarlik ko‘ryapman. Bu nafaqat bilimlarimni tasdiqlaydi, balki global miqyosda yangi eshiklarni ochadi.

     Agar siz ham texnologiyalar sohasida zamonaviy va istiqbolli kasb egasi bo‘lishni istasangiz, “Sensorika IT” o‘quv markaziga tashrif buyurishingizni tavsiya qilaman. Bu maskan menga cheksiz imkoniyatlar eshigini ochdi va kelajak yo‘lim uchun mustahkam poydevor bo‘ldi. Ishonchim komilki, “Sensorika IT” sizning ham eng to‘g‘ri tanlovingiz bo‘lishi mumkin!