Mirjonova Farangiz "IT" sohasida o'z yo'lini topdi!

     Salom! Mening ismim Mirjonova Farangiz va yoshim 14da. IT sohasi va biznesni rivojlantirish yo‘nalishida o‘z kelajagimni qurish niyatidaman. Hozirda dasturlash sohasi bo‘yicha birinchi qadamimni “Sensorika IT” o‘quv markazida qo‘yib, kelajakdagi maqsadlarim sari dadil harakat qilayapman. Shuningdek, maqsadim kelajakda xorijda IT sohasi bo‘yicha tahsil olib, o‘z bilim va ko‘nikmalarimni xalqaro miqyosida rivojlantirishdir.

     Navoiy shahridagi “Sensorika IT” o‘quv markazi o‘zining innovatsion ta’lim tizimi va o‘qituvchilarining yuqori darajasi bilan tanilgan. Bu yerda men dasturlashning asosiy tamoyillarini o‘rganib, o‘z ishlarimda qo‘llay oladigan muhim texnik ko‘nikmalarga ega bo‘ldim. 2023-yil iyul oyida markazda “Kompyuter Savodxonligi” va “Back-end” kurslarini boshladim va hozirda “Front-end” sohasida o’z bilimlarimni yanada mustahkamlamoqdaman. O‘qish jarayonida men bir nechta real loyihalarni amalga oshirish imkoniyatiga ega bo‘ldim. Ularning ayrimlari menga daromad ham olib keldi, bu esa IT bilimlarimni amaliyotda qo‘llash va mustaqil ishlashga tayyor ekanligimni isbotladi. Loyihalarim orqali mijozlar uchun qulay va jozibali veb-sahifalar yaratdim. Front-end va Back-end sohalaridagi bilimlarimni birlashtirib, mijozlar uchun to‘liq ishlovchi veb-saytlar yaratish tajribasiga ega bo‘ldim. Bu loyihalar orqali men dasturlashda mantiqiy fikrlash, texnik muammolarni hal qilish va vaqtni boshqarish qobiliyatimni yanada rivojlantirdim. 

    Kelajakdagi maqsadim — dasturlash va biznes rivojlantirish sohasidagi bilimlarimni birlashtirib, yirik biznes loyihalarini amalga oshirishdir. Front-end va Back-end sohasida tajribaga ega bo‘lishim menga veb-dizayn, foydalanuvchi tajribasi, va texnik jarayonlarni boshqarish imkonini beradi. Shuningdek, IT sohasidagi tajribam va amaliy loyihalarda orttirgan daromadlarim kelajakda mustaqil biznes olib borishimga mustahkam poydevor yaratdi. Maqsadim – professional Business Developer sifatida xalqaro miqyosda ham muvaffaqiyatli loyihalarda ishtirok etish va o‘z biznesimni rivojlantirishdir.

“Sensorika IT” o‘quv markazi menga dastlabki bilim va biznes ko‘nikmalarini berdi. O‘z yo‘limda muvaffaqiyatli qadamlar qo‘yishim uchun o‘qituvchilar va  “Sensorika IT” o‘quv markazi jamoasiga minnatdorchilik bildiraman. Shu bilimlar orqali o‘z maqsadlarimga erishishda qat’iy qadam tashlashni davom ettiraman. “Sensorika IT” o‘quv markazi mening tanlovim !!!