Hamdullaev Azizbek Hamzaevich

     Men 24 yoshdaman va Buxoro muhandislik-texnologiyalar universitetini muhandislik yo‘nalishi bo‘yicha tamomlaganman. Mening IT sohasiga qiziqishim yoshligimdan boshlangan. Uyda kompyuter va texnikalar bilan ko‘p ishlab, ba’zan ularni buzib ham qo‘yganman, keyin esa o‘zim tuzatishga harakat qilardim. Bu tajriba texnikaga bo‘lgan qiziqishimni oshirdi va muammolarni hal qilish ko‘nikmalarimni shakllantirdi.

     “Sensorika IT” o‘quv markaziga AutoCADni o‘rganish uchun kelganimda, ustozlarim Dilshod aka Arziev va Farhod aka Juraev mendagi shijoatni ko‘rib, markaz jamoasiga ishga taklif qilishdi. Men bu taklifni katta xursandchilik bilan qabul qildim va hozirda shu markazda o‘quv bo‘limi mudiri sifatida faoliyat yurityapman.

     Shuningdek, markazda kompyuter savodxonligi darslarini bolalarga o‘tishda asistentlik vazifasini bajarayapman. Bu menga ta’lim berish sohasida ham tajriba to‘plash imkonini beradi.

     IT sohasidagi bilimlarimni mustahkamlash maqsadida Google tomonidan Python dasturlash yo‘nalishida xalqaro sertifikat oldim. Bu sertifikat mening kasbiy rivojlanishimda muhim bosqich bo‘ldi.

    ITni o‘rganishni istaganlarga aytishni xohlaymanki, bu yo‘lda eng muhimi — qiziqish, sabr va doimiy amaliy mashqlardir. Yangiliklarga ochiq bo‘lish, xatolardan qo‘rqmaslik va tajribali murabbiylardan maslahat so‘rash sizni yuqori natijalarga olib boradi. Mening tajribam shuni ko‘rsatadiki, har kim o‘z maqsadiga sadoqat bilan harakat qilsa, IT sohasida yaxshi natijalarga erishadi.