Ishimizda yangicha yonalish!

Butun dunyoda fan va texnikaning jadallik bilan rivojlanib borayotgani informatsion texnologiyalarni o‘zlashtirish, ularni hayotga tadbiq etish uchun malakali mutaxassislar va bilimli kadrlar kerak ekanligini vaqtning o’zi  talab etmoqda.

Sizlarga ma'lumki,  Navoiy shahridagi “Sensorika”  IT o‘quv markazi bugungi kunda eng dolzarb kasblar bo‘yicha o‘qitishga ixtisoslashtirilgan viloyatdagi yagona o‘quv markazi desak yanglishmaymiz. 

Markazimizda bugungi kunda  yetti yoshdan yetmish yoshgacha bo‘lgan foydalanuvchilarimiz 

kurslarida o‘qib va sun'iy intellekt borasidagi oxirgi yangiliklarni o‘zlashtirib shu sohadagi bilimlarini takomillashtirmoqdalar.

     Hozirgi kunda markazda 20  nafardan ortiq mutaxassis va  assistenlar mashg‘ulot o‘tkazib,  700 dan ortiq tinglovchilarga bilim berishmoqda. Agar oldingi yillar bilan taqqoslaydigan bo‘lsak markazimizni bitiruvchilarning soni 15 000 mingdan oshgan bo‘lib, ulardan aksariyat qismi o‘zlari ma'qul ko‘rgan  ishlarda ishlashmoqda. Ko‘plab bitiruvchilar yetakchi mahalliy va xalqaro kompaniyalarda faoliyat ko‘rsatyapti. Bu albatta o’z-o’zidan bolayotgani yo’q. Buning orqasida jamoamizning mashaqqatli vehnati, tinimsiz izlanishlari turibdi.

    Joriy yilning mart oyidan boshlab markazimiz tomonidan maktablar bilan o‘zaro aloqani mustahkamlash, IT bo‘yicha ilk saboqlarni berish, o‘rgatish maqsadida ikki tomonlama, manfaatli va  uzoq muddatga (3 yil) mo‘ljallangan memorandum tuzish ishlarini yo‘lga qo‘ydi. Shu asosda Navoiy shaharidagi 13 umumiy o‘rta ta'lim maktablari o‘rtasida birinchi marta memorandum imzolandi.

     Ushbu an'ana asosida yil oxirigacha yana ko‘plab maktablarni qamrab olish rejalashtirilgan. Bu albatta o’zining ijobiy natijasini beradi, degan umiddamiz deydi o’quv markazi direktori F.Jurayev.

     Memorandumni imzolashdan asosiy maqsad,  informatika va axborot texnologiyalari bo‘yicha o‘quvchilarga ilk saboqlarni, tushunchalarni berish, ko‘nikmalarini rivojlantirish, IT sohasini o‘rganishga o‘quvchilarni faqatgina ixtiyoriy ravishda amaliy jihatdan jalb etishdan iborat. “Sensorika IT-o’quv markazi” tomonidan ushbu yo‘nalishlarga  jalb qilinadigan  o’quvchilar   asosan “Kompyuter   savodxonligi”,  “Front-End  dasturlash”, “Back-End  dasturlash”,   “3DsMax  grafik  dizayn”,   “Autocad  loyihalar  yaratish”, “Sun’iy inllekt – Prompt Engineering” kurslariga qabul qilinadi.

Ushbu hujjat asosida har bir maktabda  markazimiz bilan o‘zaro hamkorlikni tashkiliy ravishda amalga oshirilishini ta'minlash uchun ma'sul tayinlanadi. Markaz tomonidan   doimiy ravishda har bir memorandum imzolangan maktablarga mutaxassislar borilib, ushbu markazda o‘qishga qiziqishi bo‘lgan o‘quvchilarlarni aniqlashga va ular bilan uchrashuvlar o‘tkazish ishlarini tashkil etishga yordamlashadi. 

Memorandum imzolangan maktabga borib,  markazda o‘qish istagini bildirgan o‘quvchilar bilan suhbatlar tashkil etiladi va ushbu markazda o‘qish istagini bildirgan o‘quvchilarga dastlab maslahat tarzidagi bepul darslar tashkil etiladi. Yoki o‘qish istagida bo‘lganlar markazga kelib markaz faoliyati bilan tanishib chiqadilar. O‘z navbatida markaz mutaxassislari uchrashuv va suhbatlar davomida o‘quvchilarga ta'lim yo’nalishlari,  shakllari,  ta'lim   tili  kesimida qabul kvotasi, to'lov qiymati va usullari, imtiyozlar haqida ham to‘liq ma'lumot berib borishadi.  Memorandumda maktabning ham o‘quv markazimizning ham   o‘zaro hamkorligini asosiy yo‘nalishlari qat'iy belgilab qo‘yilgan. Markazga kelib o‘qish istagini bildirgan har bir tinglovchiga kompyuter bo‘yicha savodxonlik kursida barcha boshlang‘ich bilimlar berilsa, qolgan kurslarda IT bo‘yicha murakkab ma'lumotlar bo‘yicha bilim oladi.

Ushbu memorandumning 3.3.1.  moddasida : qabul qilingan yo‘nalishlar va ularni amalga oshirish shakllari doirasida tomonlar hamkorlik qilish uchun qulay shart-sharoitlar yaratishi shartligi qat'iy belgilab qo‘yilgan. Ushbu hujjat asosida o‘quvchilarning o‘quv kurslariga jalb etilishi, ularning mashg‘ulotlarga ishtiroki, na`munali xulqi, kurslarni tamomlaganligi haqida doimiy ravishda ikki tomonlama axborot almashinuvi bo‘ladi.

  Xulosa qiladigan bo’lsak, ushbu xayrli ishga boshqa maktablarni ham tezroq qo’shilishlariga undab qolmiz.

Markazimizda axborotlarni qayta ishlovchi 2 ta server bor, eng zamonaviy axborot kommunikatsiya texnologiyalari bilan jihozlangan va yuqori tezlikdagi internet tarmog‘iga ulangan auditoriyalarimizda o‘quvchilarga informatika va axborot texnologiyalari kurslarini o‘rgatish bo‘yicha   barcha shart-sharoitlar yaratilgan. 

Bizning asosiy maqsadimiz markazimizni ma'qul bilib o‘qishga kelgan tinglovchilarimizga kompyuter savodxonligini mufassal o‘rgatib, internet tarmoqlari orqali dunyoni bilishlari, o‘zlarining intellektual salohiyatlarini oshirishlariga yaqindan turib yordam ko‘rsatishdan iboratdir.