MA'NAVIY-MA'RIFIY TAYYORGARLIK MASHG‘ULOTI

MA'NAVIY-MA'RIFIY TAYYORGARLIK MASHG‘ULOTI

     "Navoiy kon-metallurgiya kombinati" AJ hamda "Navoiyuran" davlat korxonasining OYoXTTEMarkazida navbatdagi Ma’rifat darsi bo‘lib o‘tdi.

     Mazkur ma’naviy-ma’rifiy tayyorgarlik mashg‘ulotida xodimlarning siyosiy ongi va dunyoqarashini yanada yuksaltirish, ularni so‘nggi yillarda tez sur’atlarda kechayotgan axborot oqimlari orasida to‘g‘ri yo‘nalishda fikrlashga o‘rgatish maqsadida navbatdagi uchrashuv tashkil etildi.

     Ushbu Ma’rifat darsiga Navoiy shahar “SENSORIKA” IT o‘quv markazi o‘quv ishlari bo‘yicha direktor o‘rinbosari D. Arziyev taklif etildi. U o‘z ma’ruzasida “Salbiy axborot xurujlarning mazmun-mohiyati, maqsadi, manbalari va vositalari” mavzusida batafsil tushunchalar berdi.

     Tadbir davomida so‘nggi yillarda internet tarmoqlarida keng tarqalayotgan yolg‘on, asossiz va maqsadli salbiy axborotlar orqali yoshlarning ongiga salbiy ta’sir ko‘rsatish holatlari, ularning orqasidagi kuchlar va maqsadlar haqida so‘z yuritildi. Shuningdek, axborot xavfsizligini ta’minlashda har bir fuqaroning hushyorligi va mas’uliyati naqadar muhim ekani alohida ta’kidlandi.

     Ma’ruza jarayonida ishtirokchilar bilan savol-javoblar, muhokamalar o‘tkazilib, mavzu yuzasidan hayotiy misollar keltirildi. Tadbir yakunida xodimlar bunday ma’rifiy uchrashuvlarning zamon talabi ekanligini, ularning dunyoqarashini kengaytirishda muhim o‘rin tutishini qayd etishdi.